دنیا کے مبصرین پوچھ رہے ہیں کے پاکستان میں الیکشن ہوں گے یا نہیں،شیخ رشید

سابق وزیر داخلہ اور عوامی مسلم لیگ کے سربراہ شیخ رشید احمد نے کہا ہے کہ دنیا کے مبصرین پوچھ رہے ہیں کے پاکستان میں وقت پر الیکشن ہوں گے یا نہیں اور اگر ہوں گے تو کیسے ہوں گے۔انہوں نےناجائز حکومت کے تسلسل کے لیے ملکی اثاثے، خارجہ پالیسی اور قومی غیرت فار سیل لگا دی ہے۔ 

اپنے ٹویٹ میں شیخ رشید کا کہنا تھا کہ قوم یہ سوال پوچھتی ہے کہ پی پی پی اور ن لیگ نے کس کے خلاف الیکشن لڑنا ہے اگر ایسے ہی الیکشن لڑنا ہے جیسے کراچی، آزاد کشمیر میں ہوا ہے تو اس سے فائدہ کم اور نقصان زیادہ ہوگا اور جگ ہنسائی ہوگی۔ سازش کے تحت ڈالر نیچے اسٹاک ایکسچینج اوپر کی گئی ہے، 12 جولائی گزر لینے دیں نیچے کا اوپر اوراوپر کا نیچے ہو جائے گا۔ شہباز شریف اپنے کپڑے بیچ کے آٹا سستا کرنے کی باتیں کر رہا تھاجبکہ شہباز شریف کے کپڑے خریدنے کے لیے دنیا میں کوئی تیار نہیں۔

دنیا کے مبصرین پوچھ رہے ہیں کے پاکستان میں وقت پر الیکشن ہوں گےیا نہیں اگر ہوں گے تو کیسے ہوں گے قوم یہ سوال پوچھتی ہے کہ پی پی پی اور ن لیگ نے کس کے خلاف الیکشن لڑنا ہے اگر ایسے ہی الیکشن لڑنا ہے جیسے کراچی، آزاد کشمیر میں ہوا ہے اس سے فائدہ کم اور نقصان زیادہ ہوگا اور جگ…

— Sheikh Rashid Ahmed (@ShkhRasheed) July 7, 2023

سابق وفاقی وزیر نے کہا کہ وزیر خارجہ نصف سنچری مکمل کرنے بعد 15 مہینوں میں چوتھی مرتبہ امریکہ لینڈ کر گئے ہیں، نہ یہ سفارتی دورہ ہے نہ دورے کا اعلامیہ، یہ ان کی سیاسی خفیہ سرگرمیوں کی خواہشوں کا چوتھا ناکام دورہ ہے جس میں وہ خالی ہاتھ لوٹیں گے۔ غریب کا کوئی پرسان حال نہیں ان کو غیر ملکی دوروں سے فرصت نہیں۔ بکاؤ مال کی منڈی لگی ہوئی ہے اب پاکستان میں ان کا یہ سیاسی مال لوٹ سیل میں بھی نہیں بکے گا۔ نگران حکومت کون بنائے گا اور نگران وزیراعظم کون بنے گا ابھی عشق کے امتحان اور بھی ہیں۔

انہوں نے مزید کہا کہ غیر مقبول حکومت لا کر اور لوگوں کی خواہشوں کا خون کر کے ملک کو آئی ایم ایف کے حوالے کر کے دھمال ڈالنے والے اپنے انجام کا انتظار کریں آئی ایم ایف کی شرائط اور 9 یقین دہانیاں 12 جولائی کے بعد اپنا حقیقی اثر دیکھائیں گی ابھی ٹریلر چلا ہے حقیقی فلم چلے گی تو لگ پتاجائے گا۔ 

سربراہ عوامی مسل لیگ نے کہا کہ 20 کلو کا آٹا مزید100رو پےبڑھ گیا اور غریب مر گیا۔ ایک طرف گرمی ہے دوسری طرف بجلی نہیں تیسری طرف ہولناک بجلی کے بل ہیں، عوام سینڈویچ بن گئے ہیں جائیں تو کہاں جائیں۔ غریب کے لیے کفن دفن مفت قرار دیا جائے تاکہ تدفین کے مالی بوجھ سے غریب کو ریلیف مل سکے۔