بیٹی اور اہلیہ کے اغوا، قتل کیس میں سابق ڈی ایس پی عثما ن حیدر کی عبوری ضمانت خارج

لاہور: سیشن کورٹ لاہور نے سابق ڈی ایس پی عثمان حیدر کیخلاف بیٹی اور اہلیہ کے اغوا، قتل کیس میں ملزم کی قتل کی دفعات میں عبوری ضمانت خارج کردی۔ 

تفصیلات کے مطابق برکی پولیس نے مقدمے میں جرم 201 اور 302 ایزاد کردیے ہیں، جس کے بعد عدالت کی جانب سے اہلیہ اور بیٹی کو قتل کرنے والے ڈی ایس پی کی ضمانت منسوخ کردی گئی۔

عدالت نے ملزم کی عبوری ضمانت عدم پیروی کی بنیاد پر خارج کی، ایڈیشنل سیشن جج محمد اشفاق نے عبوری ضمانت مسترد کرنے کا فیصلہ سنایا۔

ایس ایس پی انویسٹی گیشن محمد نوید کے مطابق شواہد کی روشنی میں مضبوط چالان مرتب کرکے ملزم کو جلد کیفرِ کردار تک پہنچایا جائے گا، کوئی بھی شخص قانون سے بالاتر نہیں، عوام کو انصاف فراہم کرنا اولین ترجیح ہے۔

خیال رہےکہ تھانہ برکی پولیس نے اغوا کا مقدمہ درج کررکھا تھا، ملزم نے حفظ ماتقدم قتل کی دفعات میں عبوری ضمانت کروائی تھی۔