اسکردو انٹرنیشنل ایئرپورٹ پر دبئی سے پہلی بین الاقوامی پرواز لینڈ کر گئی

یوم آزادی کے موقع پر اسکردو انٹرنیشنل ایئرپورٹ پر دبئی سے پہلی بین الاقوامی پرواز لینڈ کر گئی۔ سطح سمندر سے 7500 فٹ بلندی پر واقع ہوائی اڈے کے لیے یہ واقعی ایک یاگار لمحہ ہے۔

پہلی بین الاقوامی پرواز دبئی سے 80 مسافروں کو لے کر اسکردو ہوائی اڈے پر پہنچی، ان پروازوں کے آغاز سے قومی ایئر لائن نے ایک اور اعزاز حاصل کر لیا۔

Skardu international airport receives its first international flight from Dubai. This is indeed a momentous occasion for an airport considering its unique location 7500 ft above sea level.⬇️ pic.twitter.com/wpJDLiqfP1

— PCAAOfficial (@official_pcaa) August 14, 2023

سول ایوی ایشن اتھارٹی کے ترجمان کا کہنا تھا کہ یہ کامیابی خطے کے لیے ہوائی اڈے کی سفری رسائی کو بہتر بنانے میں ایک اہم پیش رفت کی نشاندہی کرتی ہے۔ اس سے مسافروں کو اس خوبصورت خطے کا دورہ کرنے کے اضافی مواقع ملیں گے اور دونوں مقامات کے درمیان فضائی رابطہ مزید مضبوط ہوگا۔

ترجمان کا مزید کہنا تھا کہ اس ترقی سے نہ صرف سیاحوں اور مسافروں کو فائدہ پہنچے گا بلکہ مقامی معیشت پر بھی مثبت اثرات مرتب ہوں گے۔ سکردو اور اس کے آس پاس کے علاقے اپنے شاندار مناظر اور قدرتی خوبصورتی کے لیے مشہور ہیں، اس لیے بہتر رسائی بلاشبہ زیادہ سیاحوں کو راغب کرے گی۔

This development will not only benefit tourists and travelers but also have a positive impact on the local economy. Skardu and its surrounding areas are known for their stunning landscapes and natural beauty, so improved accessibility will undoubtedly attract more visitors.

— PCAAOfficial (@official_pcaa) August 14, 2023

ان پروازوں کے اجراء سے اسکردو پوری دنیا میں متعارف ہوگا، بین الاقوامی پرواز پر سیاح گلگت بلتستان کے دلکش نظاروں سے لطف اندوز ہوں گے۔ اسکردو ایئر پورٹ پر پرواز لینڈ کرنے کے بعد اعلیٰ حکام کی جانب سے مسافروں کا خیر مقدم کیا گیا اور انہیں تحائف بھی دیے گئے۔

مسافروں کا کہنا تھا کہ یہ پرواز شاندار تھی، ان پروازوں کے اجراء سے سیاحت کو فروغ ملے گا۔