بلوچستان میں دہشت گردی کے 2واقعات میں ایف سی کے 3اہلکار شہید

پاک فوج کے شعبہ تعلقات عامہ (آئی ایس پی آر) میجر جنرل بابر افتخار کے مطابق بلوچستان میں دہشت گردی کے 2واقعات میں ایف سی کے 3اہلکار شہید ہوگئے ہیں  جبکہ  دہشت گردوں سے فائرنگ  کے تبادلے میں 5ایف سی اہلکار زخمی ہیں ۔

آئی ایس پی آر کے مطابق  کوئٹہ میں مارگریٹ کے علاقے میں ایف سی اہلکار اپنی ڈیوٹی انجام دے رہے تھے کہ دہشتگردوں نے نشانہ بنایا، شہدا ءمیں لانس نائیک  سید حسین شاہ، سپاہی فیصل محمود ،سپاہی نعمان الرحمان شامل ہیں۔

آئی ایس پی آر کا کہنا ہے کہ دہشت گردی کےواقعات  کوئٹہ اور تربت  میں پیش آئے ہیں ۔

افغانستان سے امریکی اور نیٹو فورسز کے انخلا کے آغاز کے بعد دہشت گردی کے واقعات میں تیزی سے اضافہ ہوا ہے۔پچھلے ایک ہفتہ میں بلوچستان اور قبائلی اضلاع میں بھی دہشت گرد حملوں میں اضافہ ہوا ہے، ایک ہفتہ میں دہشت گردی کے واقعات میں پاک فوج کا ایک افسر اور  9 جوان شہید ، 10 زخمی ہوئے ہیں۔سرحدوں  کی حفاظت ہو یا کووڈ کی وبا، پاک فوج پاکستانیوں کی حفاظت میں دن رات ایک کئے ہوئے ہے۔