امریکی ریاست کولوراڈومیں فائرنگ ، 7 افراد ہلاک

تفصیلات کے مطابق یہ افسوسناک واقعہ سالگرہ کی  تقریب کے دوران   پیش آیا  ۔امریکی میڈیا کے مطابق  حملہ آور نے فائرنگ کے بعد خود کو بھی گولی مار کر خودکشی کرلی۔کولوراڈو پولیس کا کہنا ہے کہ جائے وقوعہ پر پہنچے تو 6 افراد ہلاک ہوچکے تھے جبکہ ایک شخص زخمی حالت میں پڑا ہوا تھا جس سے اسپتال منتقل کیا گیا، وہ بھی جانبر نہ ہوسکا ۔  پولیس کی جانب سے واقعہ کی تحقیقات کی جا رہی ہے۔

خیال رہے کہ گذشتہ چند ہفتوں کے دوران میں امریکا کے کئی شہروں میں اس نوعیت کے فائرنگ کے واقعات دیکھے گئے۔اس سے قبل انڈیانا اور آسٹن میں بھی فائرنگ کے واقعات پیش آچکے ہیں جبکہ  ان میں شدید ترین واقعہ مارچ کے اواخر میں کولوراڈو میں ہی  پیش آیا تھا جہاں  ایک مسلح شخص نے بولڈر شہر کے تجارتی مرکز میں دس افراد کوموت کے گھاٹ اتار دیا تھا ۔