فلسطینی جنگجوؤں کےمقبوضہ بیت المقدس کے قریب یہودی بستیوں پرراکٹ حملے

غیر ملکی خبررساں ادارے کے مطابق  فلسطینی جنگجوؤں نےمقبوضہ بیت المقدس کے قریب یہودی بستیوں پرراکٹ حملے کیے ہیں ۔مقبوضہ بیت المقدس میں راکٹ وارننگ سائرنز  کی گونج،متعدد دھماکوں کی بھی آواز سنی گئی۔ راکٹ حملوں کے بعدمقبوضہ بیت المقدس  کی سڑکوں پر بھگدڑ مچ گئی، ہزاروں یہودی آبادکار سائرن کی آواز سن کر سڑکوں پر نکل آئے۔جبکہ  فلسطینی جنگجوؤں نے غزہ بارڈر پراسرائیلی فوج کی گاڑی کو تباہ  کرنے کا بھی دعویٰ کیا۔

خیال رہے کہ فلسطینی جنگجوؤں نے اسرائیلی فورسز کو مسجداقصیٰ خالی کرنے کیلئے الٹی میٹم دیاتھا۔

دوسری جانب   اسرائیلی فورسز نے غزہ  کے شمالی علاقوں میں میزائل حملےکیے ہیں جن میں  متعدد افراد زخمی ہوگئے ہیں ۔

غیر ملکی خبر رساں ادارے کے مطابق مقبوضہ بیت المقدس میں راکٹ حملوں کی گونج،ملکی پارلیمنٹ کو خالی کروالیاگیا ہے۔

چند دن قبل  اسرائیلی پولیس کی جانب سے  مسجد اقصیٰ میں موجود نمازیوں کو عبادات سے روکا گیا تھا، جس پر احاطہ میدان جنگ میں بدل گیا اور جھڑپوں میں متعدد فلسطینی زخمی ہو گئے تھے۔ جس پر فلسطینی مظاہرین نے پولیس پر پتھراؤ اور بوتلیں پھینک کر جوابی کارروائی کی تھی۔

ماحول میں بد مزگی پھیلی تھی جب رمضان المبارک کے آخری جمعہ کے روز نماز جمعہ کے دوران اسرائیلی پولیس کی جانب سے مسجد اقصیٰ کے احاطے میں شدید فائرنگ اور شیلنگ کی گئی تھی۔قابض اسرائیلی فوج نے مسجد اقصی میں مسلمانوں کے داخلے پر پابندی لگائی جس کے بعد مسلمانوں نے احتجاج کیا اور مسجد میں داخل ہو گئے اور نماز ادا کی تھی۔