کویت نے پاکستان کیلئے پروازیں معطل کردیں

غیر ملکی خبر رساں ادارے کے مطابق  کویت نے کورونا وائرس کے پھیلاؤ پر قابو پانے کی کوشش کرنے کے لئے پاکستان، بنگلہ دیش، نیپال اور سری لنکا کے لیے پروازیں معطل کردیں ہیں۔ کویت نے پاکستان،نیپال، بنگلہ دیش اور سری لنکا سے شہریوں کا داخلہ بھی بند کردیا ہے، لیکن کویت  کی کابینہ کے فیصلے میں کارگو پروازیں شامل نہیں ہیں ۔

ایک بیان میں کہا گیا ہے کہ ان  چاروں ممالک سے کویت میں داخل ہونے کے لئے لوگ کم سے کم 14 دن پہلے کسی دوسرے ملک میں رہ چکے ہوں ۔کویت 22 مئی سے ان شہریوں پر سفری  پابندی عائد کرے گا جنہوں نے کورونا ویکسین نہیں لگائی ۔

گزشتہ  مہینے کویت کے سول ایوی ایشن کے  ڈائریکٹریٹ جنرل نے ایک ٹویٹ میں کہا تھا کہ اس نے بھارت سے آنے والی تمام براہ راست کمرشل  پروازوں کو معطل کردیا ہے ، جو آئندہ اطلاع تک 24 اپریل سے نافذ ہیں۔