چیئرمین پی ٹی آئی پر حملے کو ایک سال بیت گیا لیکن اس کیس میں کوئی خاص پیش رفت نہیں ہوئی، ترجمان پی ٹی آئی

پاکستان تحریک انصاف کے ترجمان اور سابق وفاقی وزیر علی محمد خان نے کہا ہے کہ چیئرمین پی ٹی آئی پر حملے کو ایک سال گزر چکا ہے لیکن اس کیس میں کوئی خاص پیش رفت نہیں ہوئی

سوشل میڈیا پلیٹ فارم ایکس پر اپنے ٹویٹ میں پی ٹی آئی رہنما علی محمد خان کا کہنا تھا کہ حملہ ہوئے سال گزر گیا ہے اور ابھی تک اس کیس میں کوئی خاص پیش رفت نہیں ہوئی اور نہ ہی کوئی نظر آرہی ہے الٹا عمران خان صاحب ہی پر مختلف سیاسی پرچوں میں گرفتاری ڈال کر انہیں پابند سلاسل کر دیا گیا ہے۔

سابق وزیراعظم جناب @ImranKhanPTI صاحب پہ حملہ ہوئے سال گزر گیا ہے۔ابھی تک اس کیس میں کوئی خاص پیش رفت نہیں ہوئی اور نہ ہی کوئی نظر آرہی ہے۔
الٹا عمران خان صاحب ہی پہ مختلف سیاسی پرچوں میں گرفتاری ڈال کر پابند سلا سل کر دیا گیا ہے۔
ضرورت اس امر کی ہے کہ یہ کوئی معمولی معاملہ…

— Ali Muhammad Khan (@Ali_MuhammadPTI) November 3, 2023

علی محمد خان کا کہنا تھا کہ ضرورت اس امر کی ہے کہ یہ کوئی معمولی معاملہ نہیں تھا اس پر سنجیدگی سے پیش رفت کرنے کی ضرورت ہے۔ اس وقت کی پی ڈی ایم کی حکومت تو آج جا چکی لیکن نہ انہوں اس پر کوئی پیش رفت کی اور نہ ہی موجودہ نگران حکومت سے کوئی خاص توقع ہے، اس لئے انصاف کی خاطر ساری نظریں سپریم کورٹ کی طرف ہیں۔

انہوں نے مزید کہا کہ چیف جسٹس صاحب سے استدعا ہے کہ جہاں وہ اور اہم کیس لے رہے ہیں اس کیس سے اہم کیس فی زمانہ شاید ہی کوئی اور ہواس لئے وہ اس کیس کا خود نوٹس لیں تاکہ اس کے زمہ دار کیفر کردار تک پہنچ سکیں۔