تمام سیاسی جماعتوں کو انتخابات میں حصہ لینے کیلئے یکساں مواقع حاصل ہونگے ،انوارلحق کاکڑ

نگران وزیراعظم انوارالحق کاکڑ نے کہا ہے کہ آئندہ انتخابات کیلئے حکومت کا کوئی پسندیدہ نہیں ۔ایک نجی ٹی وی چینل کو انٹرویو میں انہوں نے کہاکہ انتخابی عمل میں تعاون فراہم کرنا نگران حکومت کامینڈیٹ ہے ۔

انہوں نے کہاکہ تمام سیاسی جماعتوں کو انتخابات میں حصہ لینے کیلئے یکساں مواقع حاصل ہوںگے ۔

انہوں نے مزید کہاکہ تمام سیاسی جماعتیں قواعدوضوابط کے تحت انتخابی سرگرمیوں میں حصہ لے سکتی ہیں۔

انہوں نے کہا کہ کسی کے عوامی مینڈیٹ کو حکومت کسی صورت روک نہیں سکتی لیکن قوانین کی پابندی کرنا بھی سیاسی جماعتوں کا فرض ہے ۔

انہوں نے مزید کہا کہ کسی سے کسی قسم کا کوئی سیاسی انتقام نہیں لیا جائے گا حکومت کا کام صرف الیکشن کمیشن کی معاونت کرنا ہے ۔