سیکیورٹی فورسز نے میانوالی میں دہشتگردانہ حملہ ناکام بنادیا

سیکورٹی فورسز نے میانوالی میں پاک فضائیہ کے تربیتی ائیر بیس پر دہشت گردوں کے حملے کو ناکام بنادیا ۔

فوج کے شعبہ تعلقات عامہ کے مطابق فورسز کی بروقت اور موثر جوابی کارروائی نے اہلکاروں اوراثاثوں کا تحفظ یقینی بنایا ۔

تین دہشت گردوں کو بیس میں داخل ہوتے ہوئے ہلاک کردیاگیا جبکہ فوجیوں کی بروقت اورموثر جوابی کارروائی کے باعث باقی تین کو گرفتار کرلیاگیا۔

تاہم حملے کے دوران زمین پر موجود تین طیاروں اور ایک ایندھن بردار ٹینکر کو بھی نقصان پہنچا۔علاقے سے دہشت گردوں کا مکمل صفایا کرنے کیلئے ایک جامع مشترکہ کلیئرنس آپریشن حتمی مرحلے میں ہے۔