ڈی سی کا سوشل میڈیا پر وائرل جوتے مرمت کرنیوالے کو جرمانہ کرنے کی خبر کا نوٹس

تفصیلات کے مطابق  ڈپٹی کمشنر علی شہزاد نے سوشل میڈیا پر وائرل جوتے مرمت کرنیوالے  سیف الرحمان کو جرمانہ کرنے کی خبر کا نوٹس لے لیا۔ڈپٹی کمشنر کی ہدایت پر اے سی سٹی خواجہ عمیر ایم ڈی اے کے قریب تھڑے پر مزدوری کرنیوالے سیف الرحمان کے پاس پہنچ گئے۔ اے سی سٹی نے سیف الرحمان سے جرمانے بارے وائرل خبر کی صداقت بارے دریافت کیا۔

سیف الرحمان نے وضاحت دیتے ہوئے کہا کہ  جرمانہ مجھے نہیں ہوا،میرے ساتھ واقع جوتوں کی دکان کے مالک میرے بھائی کو ہوا ہے، میرے بھائی کو لاک ڈاون کی خلاف ورزی کرنے اور دکان کھولنے پر5 ہزار روپے جرمانہ کیا گیا۔

اے سی سٹی نےضلعی انتظامیہ کی طرف سے سیف الرحمان کو مالی مدد کی پیشکش کی۔سیف الرحمان نے  ضلعی انتظامیہ کی طرف سے دی جانیوالی  مالی امداد لینے سے بھی انکار کردیا۔

سیف الرحمان نے کہا کہ  میں محنت کرکے اپنا اور اپنے بچوں کا پیٹ پالنے پر یقین رکھتا ہوں، اپنے آپ کو مالی مدد کا مستحق نہیں سمجھتا، مالی امداد میری بجائے  کسی مستحق شخص کو دے دی جائے۔