احد چیمہ آمدن سے زائد اثاثہ جات ریفرنس سے بری

احتساب عدالت نے نگراں وزیراعظم کے مشیر احد چیمہ کو آمدن سے زائد اثاثہ جات کیس میں بری کر دیا۔

احتساب عدالت لاہور کے جج ملک علی ذوالقرنین اعوان نے آمدن سے زائد اثاثہ جات کیس میں احد چیمہ کی بریت کی درخواست منظور کرتے ہوئے محفوظ فیصلہ سنادیا۔

گزشتہ سماعت پر فیصلہ محفوظ کر لیا گیا تھا جو آج سنا دیا گیا ہے، واضح رہے کہ گزشتہ دنوں نیب نے احد چیمہ کو آمدن سے زائد اثاثوں کے ریفرنس میں کلین چٹ دی تھی۔

نیب رپورٹ کے مطابق احد چیمہ کے خلاف آمدن سے زائد اثاثوں کا ریفرنس نہیں بنتا، احد چیمہ کے تمام اثاثے ان کی آمدن سے مطابقت رکھتے ہیں۔