پی ٹی آئی کے انٹرا پارٹی انتخابات دوباہ کرانے کی استدعا مسترد

الیکشن کمیشن پی ٹی آئی انٹراپارٹی انتخابات دوبارہ کرانے کی استدعا مسترد کر دی۔

چیف الیکشن کمشنر سکندر سلطان راجہ کی سربراہی میں 5 رکنی کمیشن پی ٹی آئی انٹرا پارٹی الیکشن کے خلاف درخواستوں پر سماعت ہوئی، انٹرا پارٹی کیخلاف 14 درخواست گزار الیکشن کمیشن کے سامنے پیش ہوئے۔

درخواست گزار اکبر ایس بابر کے وکیل علی حسن کے دلائل دیتے ہوئے کہاکہ انتخابات سے 2روز قبل الیکشن کمیشن تشکیل دیاجاتا ہے،کوئی ووٹرز فہرست تشکیل نہیں دی جاتی اور 2دن بعد انتخابات کراتے ہیں،ممبر خیبرپختونخوا نے اکبر ایس بابر کےوکیل کو جھاڑ پلا دی۔

ممبر خیبرپختونخوا نے  استفسار کیا کہ آئین کے آرٹیکل 5میں کیا کہا ہے؟ وکیل اکبر ایس بابر نےکہاکہ اس کا مطلب کہ بند کمرے میں الیکشن کرادیں۔

ممبر خیبرپختونخوا نے کہاکہ یہاں سنجیدہ بات کریں، مذاق نہ کریں۔ نانون نہیں کہتا کہ بار بار کسی کو الیکشن کا کہیں۔

اکبرایس بابر نےپی ٹی آئی کے نومنتخب اراکین کو معطل کرنے کی استدعا کرتے ہوئے کہا کہ ہم مرکزی سیکرٹریٹ گئے تو وہاں کسی نے تعاون نہیں کیا،ہمارے پاس ویڈیو ثبوت ہے کہ کاغذات نامزدگی لینے گئے، کسی کو کچھ پتہ نہیں تھا،کاغذات نامزدگی ملے، نہ سکروٹنی اورنہ ہی فائنل لسٹ لگی۔

ممبر کمیشن نے کہا کہ آئین یہ نہیں کہتا کہ ہم بار بار انتخابات کا حکم دیں۔ بعدازاں الیکشن کمیشن نے اکبر ایس بابر کی استدعا مسترد کر دی۔ ممبر کمیشن اکرام اللہ نے کہا کہ  الیکشن ایکٹ کا سیکشن 215 واضح ہےدربارہ الیکشن کو بھول جائیں۔

دوران سماعت درخواست گزار راجہ طاہر نواز عباسی کے وکیل بھی الیکشن کمیشن کے سامنے پیش ہوئے اور موقف اختیار کیا کہ آئین کے تحت ہر شخص کو الیکشن میں حصہ لینے کا موقع ملنا چاہیے، پشاور میں نامعلوم جگہ پر انٹرا پارٹی الیکشن کرائے گئے، کچھ لوگ جیل میں ہیں جنہوں نے کاغذات نامزدگی جمع کروائے، جیل میں موجود لوگ اور مفرور لوگ پارٹی عہدیدار منتخب ہو رہے ہیں۔

الیکشن کمیشن نے اکبر ایس بابر کی انٹراپارٹی انتخابات کیخلاف درخواست پر تحریک انصاف کو نوٹس جاری کر دیا اور سماعت 12دسمبر تک ملتوی کر دی۔