پی سی بی کا نئے پلیئرز ڈیولپمنٹ پروگرام کا اعلان

لاہور: پاکستان کرکٹ بورڈ (پی سی بی) نے منگل کو کرکٹ کے نئے ترقیاتی پروگرام شروع کرنے کا اعلان کردیا۔

محمد حفیظ نے اس حوالے سے کہا کہ بطور کرکٹ ڈائریکٹر نئے ترقیاتی پروگراموں کا اعلان کرتے ہوئے خوشی محسوس کر رہا ہوں، کرکٹ کی بہتری کے لیے ضروری ہے کہ تمام اکیڈمیز کو بحال کیا جائے۔

انہوں نے کہا کہ کراچی، پشاور اور ملتان میں ذیلی اکیڈمیوں کو بحال کرنے کا منصوبہ بنایا گیا ہے۔ وہ پرائیویٹ پارٹی کے ساتھ مل کر چھ سے سات شہروں میں ذیلی اکیڈمیاں بنائیں گے۔

کرکٹ ڈائریکٹر نے مزید کہا کہ پی سی بی مستقبل میں فاٹا اور اندرون سندھ میں ذیلی اکیڈمیوں کے انعقاد پر غور کر رہا ہے، کھلاڑیوں کے لیے خصوصی تربیتی پروگرام شروع کیے جائیں گے ۔ 

محمد حفیظ نے مزید کہا کہ وہ انڈر 19 کرکٹرز کے لیے مالی معاونت اور اسکل ڈیولپمنٹ پروگرام لا رہے ہیں جو انہیں بین الاقوامی سطح پر تیار کریں گے۔