سیالکوٹ کے آبائی حلقے سے الیکشن میں حصہ لے رہی ہوں،فردوس عاشق اعوان

سینئررہنما استحکام پاکستان فردوس عاشق اعوان  نے کہا کہ آئی پی پی کے امیدواراسکروٹنی کے عمل سے گزررہے ہیں۔ تمام سیاسی جماعتیں انتخابی عمل میں شریک ہیں۔ استحکامِ پاکستان بھرپورانتخابی مہم چلارہی ہے۔

لاہور میں استحکام پاکستان پارٹی کی سینیئررہنما فردوس عاشق اعوان الیکشن کمیشن پہنچیں، انھوں نے مخصوص نشست پر کاغذات کی جانچ پڑتال مکمل کروائی۔

اس موقع پرفردوس عاشق اعوان نے میڈیا سے گفتگو کرتے ہوئے کہا کہ الیکشن کمیشن پراعتماد کا اظہارکیا ہے۔ سیالکوٹ کے آبائی حلقے سے الیکشن میں حصہ لے رہی ہوں۔

فردوس عاشق اعوان نے کہا کہ ایک جماعت الیکشن کےلیے تڑپ رہی تھی، بہانے تلاش کررہی تھی۔ اب الیکشن ہو رہا ہے تو ان کے لوگ بل میں گھسے ہوئے ہیں ۔