نگران وزیر صحت کا ہیلتھ سسٹم کے کردار کے عنوان سے ایک سیمینار سے خطاب

نگران وزیر صحت ڈاکٹر ندیم جان نے کہا ہے کہ حکومت صحت کے شعبے میں بہتری لانے اور خاطر خواہ نتائج کے حصول کیلئے ڈیجیٹلائزیشن پروگرام پر کام کررہی ہے ۔

آج(اتوار) اسلام آباد میں ڈیجیٹل ہیلتھ سسٹم کے کردار کے عنوان سے ایک سیمینار سے خطاب کرتے ہوئے انہوں نے کہاکہ جامع اصلاحات کیلئے صوبوں کے تعاون سے صحت سے متعلقہ تفصیلات کو مربوط بنایاجارہاہے۔

نگران وزیر نے کہاکہ ڈیجیٹلائزیشن پروگرام سے مستقبل کے چیلنجز کیلئے مستند ، جامع اور شفاف نتائج جمع کرنے میں مدد ملے گی ۔

انہوں نے امید ظاہر کی کہ ڈیجیٹل ہیلتھ سنٹر ملک میں چلائے جانے والے تمام پروگراموں میں اصلاحات اور بہتری کیلئے بھی معاون ثابت ہوگا۔