حجام کا کام کرنے والے 6 افراد کو کیوں قتل کیا گیا وجوہا ت سامنے آگئیں

میران شاہ:شمالی وزیرستان میں پنجاب سے آکر کام کرنے والے 6 حجاموں کو قتل کردیا گیا۔

سرکاری ذرائع کے مطابق شمالی وزیرستان کے علاقے میر علی کے گاؤں موسکی سے 6 غیر مقامی افراد کی لاشیں برآمد ہوئیں، جنہیں فائرنگ کرکے قتل کیا گیا ہے۔ ابتدائی اطلاعات کے مطابق مقتولین کا تعلق پنجاب سے ہے۔

فائرنگ سے قتل کیے گئے تمام افراد پیشے کے لحاظ سے حجام تھے، جو پنجاب سے یہاں آکر کام کررہے تھے۔ مقتولین کی میرعلی بازار میں ہیئر کٹنگ کی دکانیں تھیں۔ لاشوں کو میرعلی اسپتال منتقل کردیا گیا ہے۔

پولیس نے جائے وقوع سے شواہد اکٹھے کرنے کے بعد مختلف پہلوؤں کے پیش نظر تحقیقات شروع کردی ہے۔

گذشتہ دنوں کوئٹہ میں مبینہ طور پر کام سے نکالنے پر ملازم نے مالک کے 7 سالہ بیٹے کو قتل جبکہ مالک کو زخمی کر دیا۔

پولیس نے کہا ہے کہ 18 سالہ ملزم صالح محمد کوئٹہ کے علاقے مشرقی بائی پاس کے رہائشی ضیا الرحمان مہمند کی رکشہ آٹوز کی دکان میں بطور کاریگر کام کرتا تھا۔

ایس ایچ او خالق شہید تھانہ منظور احمد نے بتایا کہ چند روز پہلے ضیا الرحمان نے صالح محمد کو جھگڑا کرنے پر کام سے نکال دیا تھا۔ انہوں نے بتایا کہ ملزم نے کام سے نکالنے پر طیش میں آکر ضیا الرحمان کے گھر جاکر اس پر حملہ کر دیا اور اسے پیٹ بازو اور کمر پر چاقو کے وار کر کے زخمی کر دیا۔

ایس ایچ او کے مطابق ملزم نے ضیا الرحمان کے سات سالہ بیٹے حسیب الرحمان کا گلہ کاٹ دیا جس سے اس کی موت واقع ہوگئی۔ پولیس کا کہنا ہے کہ ملزم واردات کے بعد فرار ہوگیا۔

ایس ایچ او کے مطابق زخمی کو سول ہسپتال منتقل کردیا گیا جہاں اس کا علاج جاری ہے۔ پولیس نے بعد ازاں کارروائی کرتے ہوئے ملزم کو گرفتار کرلیا- اس واقعے کا مقدمہ زخمی دکان مالک کے والد کی مدعیت میں درج کر کے مزید تفتیش شروع کر دی گئی ہے۔