سپریم کورٹ نے تاحیات نا اہلی کالعدم قرار دے دی

سپریم کورٹ نے آرٹیکل 62ون ایف  کیس کا فیصلہ سناتے ہوئےسیاستدانوں کی تاحیات نااہلی ختم کردی ۔ جسٹس قاضی فائز عیسی کی سربراہی میں 7رکنی بینچ نے 1-6 سے فیصلہ سنایا۔جسٹس یحیی آفریدی کے اکثریتی فیصلے سے اختلاف کیا۔

اس سے پہلے 5 جنوری کی سماعت کے دوران چیف جسٹس پاکستان قاضی فائز عیسیٰ نے ریمارکس میں کہا تھا کہ چیف جسٹس پاکستان قاضی فائز عیسیٰ نے سیاستدانوں کی تاحیات نااہلی کیس میں ریمارکس دیے کہ تاحیات نااہلی اسلام کے خلاف ہے۔

اپنے ریمارکس میں انہوں نے مزید کہا تھا کہ سارے معاملے کا حل اسلام میں موجود ہے۔قرآن پاک میں بتایا گیا ہے کہ انسان کا رتبہ بہت بلند ہے،انسان برا نہیں اس کے اعمال برے ہوتے ہیں،62 ون ایف انسان کو برا کہہ رہا ہے،اگر کوئی شخص گناہ سے توبہ کر لے تو معافی مل سکتی ہے۔

سیاستدانوں کی تاحیات نااہلی نہیں ہوگی ۔سپریم کورٹ نے چھ ایک کے تناسب سے فیصلہ سنایا۔ سپریم کورٹ کا اپنے فیصلے میں کہنا ہے کہ آرٹیکل 62ون ایف کے تحت تاحیات نااہلی کا فیصلہ واپس لیاجاتا ہے ۔

چیف جسٹس قاضی فائز عیسیٰ کی سربراہی میں 7 رکنی بینچ نے سماعت کی تھی۔تاحیات نا اہلی کیس کا فیصلہ 5 جنوری کو محفوظ کیاگیا تھا۔

واضع رہے کہ سپریم کورٹ کے فیصلے کے بعد اب میاں نواز شریف اور جہانگیر ترین 2024 انتخابات کے اہل ہو گئے ہیں۔