بلوچستان؛ ضلع سبی اورخضدار 3.5 شدت کے زلزلے سے لرز اُٹھے

بلوچستان کے ضلع سبی اور خضدار میں زلزلے کے جھٹکے محسوس کیے گئے۔

زلزلہ پیما مرکز کےمطابق بارہ بجکر چھتیس منٹ پر سبی اور اس کے اطراف میں زلزلے کے جھٹکےمحسوس کیے گئے۔زلزلے کی شدت 3.5 اورگہرائی 23 کلومیٹر ریکارڈ کی گئی جبکہ مرکز سبی سے 58 کلومیٹر دور جنوب مشرق میں تھا۔

زلزلہ پیما مرکز کے مطابق بلوچستان کے ضلع خضدار اور اطراف میں  بھی بارہ بجکر انسٹھ منٹ پر زلزلے کے جھٹکے محسوس کیے گئے۔زلزلے کے  شدت 3.6 اور گہرائی 25 کلو میٹر ریکارڈ کی گئی۔زلزلےکا مرکز خضدار سے 90 کلومیٹر دور جنوب میں تھا۔

زلزلے کےجھٹکوں نے شہریوں کو خوفزدہ کردیا۔شہری کلمہ طیبہ کا ورد کرتے ہوئے گھروں سے باہر آگئے۔زلزلے سے اب تک کسی بھی قسم کے جانی اور مالی نقصانات کی اطلاعات موصول نہیں ہوئی۔