الیکشن کمیشن نے انتخابی نشان کسی سیاسی جماعت کو دینے سے روک دیا

اسلام آباد: الیکشن کمیشن نے کسی سیاسی جماعت کا انتخابی نشان کسی دوسری سیاسی  جماعت کو دینے سے روک دیا۔

الیکشن کمیشن کی جانب سے حکم نامہ جاری کردیا ہے جس میں کہا گیا ہے کہ اکثرامیدواروں کی جانب سے درخواستیں موصول ہوئی ہیں جب کہ ان درخواستوں کے ذریعے الیکشن کمیشن کو دھوکا دیا جارہا ہے۔

الیکشن کمیشن نے کہا کہ آر اوز ایسے کسی امیدوار کو دوسرا انتخابی نشان نہ دیں، الیکشن ایکٹ کے تحت امیدوار اپنی پارٹی وابستگی کا سرٹیفکیٹ دیتا ہے۔

حکم نامہ میں کہا گیا ہے کہ الیکشن کمیشن کودھوکا دے کر قانون کی خلاف ورزی کی جارہی ہے، کوئی انتخابی نشان کسی دوسری پارٹی کے امیدوار کو نہ دیا جائے۔

الیکشن کمیشن کے حکم نامہ میں مزید کہا گیا ہے کہ ایک شخص ایک وقت میں ایک سے زیادہ پارٹی کا رکن نہیں ہوسکتا۔