فاقی حکومت کی طرف سے عدلیہ کے خلاف مہم کی تحقیقات کے لیے جےآئی ٹی تشکیل

وفاقی حکومت نے عدلیہ کے خلاف مہم کی تحقیقات کے لیے جےآئی ٹی تشکیل دے دی، ایڈیشنل ڈی جی سائبر کرائم ایف آئی اے جے آئی ٹی کے کنوینئر ہوں گے۔

وفاقی حکومت نے سپریم کورٹ کے ججز کے خلاف سوشل میڈیا پر مہم چلانے والوں کے خلاف مشترکہ تحقیقاتی ٹیم (جے آئی ٹی) تشکیل دے دی۔ سپریم کورٹ کے ججز کے خلاف سوشل میڈیا پر مہم چلانے والوں کے خلاف ایکشن لیتے ہوئے وزارت داخلہ نے 6 رکنی تحقیقاتی کمیٹی بنا دی۔

وزارت داخلہ کی جانب سے بنائی گئی 6 رکنی تحقیقاتی کمیٹی میں انٹر سروسز انٹیلی جنس (آئی ایس آئی) اور انٹیلی جنس بیورو (آئی بی) اور پی ٹی اے  کے نمائندے شامل ہیں۔ ٹیم کے سربراہ ایف آئی اے کے ایڈیشنل ڈائریکٹر جنرل ہوں گے، ٹیم ججز صاحبان کے خلاف سوشل میڈیا پر مواد اپ لوڈ کرنے والوں کی نشاندہی کرے گی۔

سوشل میڈیا پر عدلیہ مخالف مہم چلانے والوں کا چالان ہو گا، عدلیہ مخالف مہم چلانے والوں کے خلاف متعلقہ عدالتوں میں مقدمات چلیں گے۔ جے آئی ٹی 15 دن میں وزارت داخلہ کو پیش رفت رپورٹ پیش کرے گی جبکہ وفاقی حکومت نے6رکنی کمیٹی کا نوٹیفکیشن جاری کردیا۔