مجھے جیل جانے کا حکم ہوا ہے، شیخ رشید کا تھانہ نیو ٹاؤن سے ویڈیو پیغام

عوامی مسلم لیگ کے سربراہ اور سابق وفاقی وزیر داخلہ شیخ رشید احمد  نے ضمانت خارج ہونے پر تھانہ نیو ٹاؤن سے ویڈیو پیغام جاری کر دیا ۔

شیخ رشید نے  تھانہ نیو ٹاؤن پہنچنے پر ویڈیو پیغام جاری کرتے ہوئے کہا کہ میں جیل جا رہا ہوں، مجھے جیل جانے کا حکم ہوا ہے ،جان جاتی ہے تو جائے اللہ کی راہ میں، آٹھ فروری کو قلم دوات جیتے گی ،میں حمزہ کیمپ حملے میں موث نہیں تھا اور نہ ہی وہاں موجود تھا ۔

8فروری کو قلم دوات جیتے گی۔میں جیل جارہا ہوں۔۔شیخ رشید کی گرفتاری کے موقع پر گفتگو۔ pic.twitter.com/j2PHLSKY9n

— Sheikh Rashid Ahmed (@ShkhRasheed) January 16, 2024

شیخ رشید کی نیو ٹاؤن تھانے کے مقدمے میں ضمانت خارج ہونے کے بعد انہیں راولپنڈی میں عدالت سے گرفتار کیا گیا,شیخ رشید احمد  کے خلاف تھانہ نیو ٹائون میں مقدمہ درج تھا جس میں ان پر حساس ادارے کی عمارت پر حملے کا الزام تھا، انسداد دہشتگری عدالت کی طرف سے  ان کی ضمانت خارج ہونے پر تحویل میں لے لیاگیا۔