ملک کی خوشحالی میں میڈیا اہم کر دار ادا کر تا ہے ،نگراں وزیر اطلاعات

نگران وزیر اطلاعات و نشریات مرتضیٰ سولنگی نے کہا ہے کہ حکومت میڈیا کی آزادی پر مکمل یقین رکھتی ہے کیونکہ یہ ایک بنیادی حق ہے جس سے کسی صورت انکار نہیں کیا جا سکتا۔

چیئرمین پاکستان آبزرور  فیصل زاہد ملک سے آج  اسلام آباد میں ملاقات کے دوران  انہوں نے کہا کہ صحافیوں نے ملک کی ترقی اور استحکام میں ہمیشہ اہم کردار ادا کیا ہے۔

مرتضیٰ سولنگی نے کہا کہ عوام کو سچائی پر مبنی مستند خبریں پہنچانے میں میڈیا کو غیر جانبدارانہ کردار ادا کرنے کی ضرورت ہے۔

مرتضٰی سولنگی نے کہا کہ کسی بھی ملک کی ترقی میں میڈیا کا نہایت اہم کردار رہا ہے ، میڈیا نے ہمیشہ ہی ملک میں صورتحال کو نارمل رکھنے میں اہم کردار ادا کیا ہے ۔