سیکرٹری الیکشن کمیشن عمر حمید کا استعفیٰ منظور

میڈیا ذرائع کا کہنا ہے کہ سیکرٹری الیکشن کمیشن عمر حمید نے بیماری  کے باعث کچھ روز قبل استعفیٰ دے دیا  تھا، جسے چیف الیکشن کمشنر سکندر سلطان راجہ نے منظور بھی کرلیا ہے  اور اس کا اطلاق فوری طور پر ہوگیا ہے ۔ 

سیکرٹری الیکشن کمیشن عمر حمید نے کسی کے دباؤ پر استعفیٰ نہیں دیا جبکہ صحت کی خرابی اُن کے استعفے کی وجہ بنی تھی ۔

میڈیا ذرائع کے مطابق عمر حمید خان کچھ دن تک اسپتال میں زیر علاج رہے اور اب گھر میں زیرِ علاج ہیں، اُن کا کہنا تھا کہ میری صحت کام کرنے کی اجازت نہیں دیتی۔

عمر حمید نے 7 جنوری کو چیف الیکشن کمشنر سے ملاقات کی تھی ، جہاں انہوں نے علالت کے باعث استعفے کی پیشکش کی تھی جبکہ چیف الیکشن کمیشنر نے انہیں مکمل علاج کرانے کا مشورہ دیا تھا۔