مینز بگ بیش لیگ برسبین ہیٹ اور سڈنی سکسرز کے درمیان کوالیفائر میچ (کل) کوکھیلا جائے گا

کینبرا: برسبین ہیٹ اور سڈنی سکسرز کی ٹیموں کے درمیان بی بی ایل کا کوالیفائر میچ (کل) جمعہ کو کارارا اوول، کوئینز لینڈ کے مقام پر کھیلا جائے گا۔

کرکٹ آسٹریلیا کے زیر اہتمام مینز بگ بیش لیگ(بی بی ایل) کاتیرہواں ایڈیشن آسٹریلیا میں جاری ہےجس شائقین کرکٹ کو انتہائی دلچسپ اور کانٹے دار مقابلے دیکھنے کومل رہے ہیں۔ بگ بیش لیگ میں اختتامی مرحلے کی طرف گامزن ہے۔

ٹورنامنٹ کا کوالیفائر میچ برسبین ہیٹ اور سڈنی سکسرز کے درمیان 19 جنوری کو کارارا اوول، کوئینز لینڈ کے مقام پر کھیلا جائے گا۔ ٹورنامنٹ میں فائنل سمیت کل 44میچز کھیلے جائیں گے۔

ٹورنامنٹ میں پرتھ سکارچرز کی ٹیم اپنے اعزاز کا دفاع کے لئے کوشاں ہے۔ بگ بیش لیگ مردوں کا ایک پیشہ ورانہ ٹی ٹونٹی ڈومیسٹک کرکٹ ٹورنامنٹ ہے جس میں 8 ٹیمیں ٹائٹل کے حصول کے لئے کوشاں تھیں جن میں ایڈیلیڈ سٹرائیکرز، برسبین ہیٹ، ہوبارٹ ہریکینز، میلبورن رینیگیڈز، میلبورن سٹارز، پرتھ سکارچر ز، سڈنی سکسرز اور سڈنی تھنڈرشامل ہیں۔ٹورنامنٹ ناک آئوٹ مرحلے میں داخل ہوچکا ہے۔