پی ٹی آئی نے انتخابات میں حصہ لینے والے امیدواروں کی حتمی فہرست جاری کر دی

پاکستان تحریک انصاف (پی ٹی آئی) نے آئندہ عام انتخابات 2024 کے لیے قومی اور صوبائی اسمبلی کی نشستوں پر حصہ لینے والے امیدواروں کی حتمی فہرستیں جاری کر دیں۔

آئندہ انتخابات 2024 میں قومی اسمبلی کی نشست پر پی ٹی آئی کے 266 امیدوار میدان میں ہیں تاہم 8 امیدواروں کا فیصلہ باقی ہے۔

پی ٹی آئی نے قومی و صوبائی اسمبلیوں کے لیے اپنے 859 امیدوار میدان میں اتارے ہیں تاہم دونوں ایوانوں کے لیے تاحال 47 امیدواروں کے ناموں کا اعلان نہ کیا جاسکا۔ پی ٹی آئی کی جانب سے قومی اسمبلی کے کُل 266 حلقوں سے امیدوار میدان میں ہیں تاہم 8 حلقوں کے لیے امیدواروں کے نام فائنل نہ ہوسکے۔

پنجاب اسمبلی کے 297 حلقوں میں سے تاحال 5 حلقوں میں سے پی ٹی آئی کا کوئی امیدوار نہیں جبکہ سندھ کے 130 حلقوں میں سے بھی پی ٹی آئی کے 10 امیدواروں کے نام تاحال فائنل نہیں ہوسکے۔

? عام انتخابات برائے 8 فروری 2024 کیلئے پاکستان تحریک انصاف نے قومی اسمبلی کے امیدواروں کی فہرست جاری کر دی، تفصیلات کیلئے لنک:https://t.co/ynP0anRvMY

— PTI (@PTIofficial) January 18, 2024

اسی طرح خیبرپختونخوا کے 115 حلقوں سے بھی پی ٹی آئی 4 امیدواروں کے حتمی نام نہیں دے سکی، بلوچستان اسمبلی کیلئے بھی تاحال کل 51 حلقوں سے 20 حلقے پی ٹی آئی کے امیدواروں سے خالی ہیں۔

قومی اسمبلی کے لئے مختلف حلقوں سے الیکشن لڑنے والے پی ٹی آئی کے اہم رہنما درج ذیل ہیں۔