پاکستان تحریک انصاف کے سابق صوبائی وزیر خیال کاستروگرفتار

پاکستان تحریک انصاف کے سابق صوبائی وزیر خیال کاسترو کو گرفتار کرلیا گیا، سادہ لباس پولیس اہلکاوں نے خیال کاسترو کو فیصل آباد ضلع کچہری سے گرفتار کیا۔

میڈیا رپورٹس کے مطابق پی ٹی آئی رہنما خیال کاسترو جلاؤ گھیراؤ کے مقدمے میں ضمانت کرانے ضلع کچہری پہنچے تو وہاں پہلے سے موجود سول کپڑوں میں ملبوس اہلکار زبردستی گاڑی میں ڈال کر لے گئے۔

یاد رہے کہ سابق صوبائی وزیر 9 مئی واقعے کے مقدمات میں مطلوب تھے، خیال کاسترو صوبائی حلقہ پی پی 118 سے پی ٹی آئی کے امیدوار ہیں۔