دھند کے باعث متعدد موٹر ویز بند

اسلام آباد: دھند کی موجودہ صورتحال کے پیش نظر ملک میں بڑی موٹرویز کے متعدد سیکشنز کو عارضی طور پر بند کر دیا گیا ہے۔

نیشنل ہائی ویز اینڈ موٹروے پولیس (این ایچ ایم پی) کے مطابق، بند سیکشنز میں ایم-1 برہان سے صوابی اور رشکئی سے پشاور ٹول پلازہ شامل ہیں۔ M-2 کوٹ مومن سےاسلام آباد ٹول پلازہ سے تھلیاں، چکری سے نیلہ دلہ، کوٹ مومن سے پنڈی بھٹیاں، فاروق آباد سے پنڈی بھٹیاں، ٹھوکر نیاز بیگ سے فاروق آباد اور بلکاسر سے کلر کہار تک بند کردی گئی ہے ۔ 

M-4 فیصل آباد انٹرچینج سے پنڈی بھٹیاں، گوجرہ انٹرچینج سے فیصل آباد انٹرچینج، عبدالحکیم سے گوجرہ اور عبدالحکیم سے شیر شاہ اور M-5 رحیم یار خان سے روہڑی اور ظاہر پیر سے اوچ شریف تک بند کر دیے گئے ہیں۔

مسافروں سے گزارش ہے کہ بلا ضرورت سفر سے پرہیز کریں اور موجودہ صرت حال سے  وہ باخبر رہیں اور اس کے مطابق اپنے سفر کی منصوبہ بندی کریں۔ تازہ ترین اپ ڈیٹس اور معلومات کے لیے، افراد کو مشورہ دیا جاتا ہے کہ وہ نیشنل ہائی وے اینڈ موٹروے ہیلپ لائن 130 پر رابطہ کریں یا اپنے آفیشل سوشل میڈیا پلیٹ فارمز کو چیک کریں۔