ملک کو ترقی کی راہ پر گامزن کرنے کی پوری صلاحیت رکھتے ہیں ،نواز شریف

سابق وزیراعظم اور مسلم لیگ ن کے رہنما محمد نواز شریف نے کہا ہے کہ مسلم لیگ ن نے اپنے دور حکومت میں ملک بھر میں عوام کا معیار زندگی بہتر بنانے کیلئے بڑے ترقیاتی منصوبے مکمل کئے ہیں۔

 مانسہرہ میں  جلسے سے خطاب کرتے ہوئے کہا کہ مسلم لیگ ن ملک کو ترقی کی راہ پر گامزن کرنے کی پوری صلاحیت رکھتی ہے اور عوام کو بنیادی ضروریات اور روزگار کے مواقع فراہم کرنے کیلئے خصوصی کوششیں کی جائیں گی۔

مسلم لیگ ن کی چیف آرگنائزرمریم نواز  نے کہا کہ میں محمد  نواز شریف کو مانسہرہ کی عوام سے دلی عقیدت ہے انہوں نے اگر الیکشن لڑنے کا فیصلہ دس سال بعد کیا تواس کی انتخابی مہم کا آغاز مانسہرہ سے کیا ۔ 

مریم نواز نے کہا کہ لوگوں نے مختلف علاقوں سے نواز شریف کو الیکشن لڑنے کا مشورہ دیا کسی نے کہا کہ بلوچستان سے لڑیں کسی نے کہا کہ کراچی سے لڑیں لیکن میاں محمد نواز شریف نے کہا پورا پاکستان میری جان کا ٹکڑا ہے لیکن الیکشن میں مانسہرہ سے ہی لڑوں گا ۔ 

انہوں نے کہا کہ میں محمد نواز شریف نے پاکستان کی ترقی کیلئے دن رات ایک کرکے کام کیا انہوں نے نہ دن دیکھا نہ رات بس پاکستان کی ترقی کیلئے کام کیا ۔ 

اس موقع پر اظہار خیال کرتے ہوئے مسلم لیگ نون کی چیف آرگنائزر مریم نواز شریف نے ہزارہ ڈویژن کے لوگوں کو تمام بنیادی ضروریات ان کی دہلیز پر فراہم کرنے کے عزم کا اعادہ کیا۔