چین، کرغزستان کے سرحدی علاقوں میں 7.0 شدت کے زلزلے کے جھٹکے

بیجنگ: چین اور کرغزستان کے سرحدی علاقوں میں زلزلے کے شدید جھٹکے محسوس کیے گئے جس کی شدت 7.0 ریکارڈ کی گئی۔

امریکی جیولوجیکل سروے کے مطابق زلزلے کا مرکز چین کے علاقے سنکیانگ میں تھا، زلزلے کی شدت ازبکستان کے دارالحکومت تاشقند میں ریکارڈ کی گئی۔

زلزلے کے بعد لوگ شدید سردی میں گھروں سے باہر نکل آئے تاہم ابھی تک کسی جانی نقصان کی اطلاع نہیں ملی۔

چینی زلزلہ نیٹ ورک سینٹر کا کہنا ہے کہ زلزلے کے بعد 40 آفٹر شاکس بھی ریکارڈ کیے گئے۔

اطلاعات کے مطابق زلزلے کے شدید جھٹکوں کے باعث ریلوے کا نظام بھی متاثر ہوا ہے کہ محکمہ ریلوے نے 27 ٹرینیں روک دیں۔