مسافروں کیلئے فضائی سفر بھی دنوں پر محیط، دھند کے باعث آج 30 پروازیں منسوخ

کراچی: دھند کے باعث پروازوں کا شیڈول مسلسل متاثر ہے جس کے باعث آج (منگل) کو بھی 30 پروازیں منسوخ کردی گئی ہیں جب کہ حد نگاہ کم ہونے کے باعث چار غیر ملکی پروازوں کو متبادل ایئرپورٹس کی جانب موڑ دیا گیا ہے۔

شارجہ سے اسلام آباد جانے والی پرواز PK-182، جدہ سے پشاور جانے والی پرواز ER-852 کو لاہور میں اتار دیا گیا، جبکہ کویت سٹی اور شارجہ سے سیالکوٹ جانے والی پرواز PK-240 اور PK-210 کو لاہور کی طرف موڑ دیا گیا ہے۔

فلائٹ شیڈول کے مطابق اسلام آباد سے جدہ جانے والی سعودی ایئرلائن کی ایک پرواز منسوخ کر دی گئی ہے جبکہ اسلام آباد سے کوئٹہ جانے والی چار پروازیں PK-325، PK-326، ER-540 اور ER-541 منسوخ کر دی گئی ہیں۔

پاکستان انٹرنیشنل ایئرلائنز (PIA) کی اسلام آباد سے گلگت جانے والی پرواز PK-601، PK-602، اسلام آباد سے ابوظہبی کی پرواز PK-262 اور دبئی کی پرواز PK-233 منسوخ کر دی گئی ہیں۔

اسلام آباد سے شارجہ کی پرواز PK-181، العین کی پرواز PK-143 جبکہ کراچی سے اسلام آباد کی پرواز PK-6369 اور PK-370 بھی منسوخ کر دی گئیں۔