ملک بھر کے بلدیاتی اور کنٹونمنٹ بورڈز کے ترقیاتی فنڈز منجمد

الیکشن کمیشن نے ملک بھر کے بلدیاتی اور کینٹ بورڈز کے ترقیاتی فنڈز منجمند کردیئے، عام انتخابات تک فنڈز منجمد رکھے جائیں گے۔ الیکشن کمیشن کی منظوری کے بعد نوٹیفکیشن جاری کر دیا گیا ہے

الیکشن کمیشن کے نوٹیفکیشن کے مطابق بلدیاتی ادارے صرف روزمرہ کے امور نمٹائیں گے،صرف صفائی اور سینیٹائیزیشن کا کام کریں گے۔نئی اسکیم یا ٹینڈر دینے پر پابندی عائد کر دی گئی ہے۔ وہی ترقیاتی کام جاری رہے گے جن کا اعلان الیکشن شیڈول سے پہلے ہو چکا ہے۔

جس کے مطابق سندھ، خیبرپختونخوا، بلوچستان اور کینٹ بورڈزکے بلدیاتی اداروں کے ترقیاتی فنڈز الیکشنز تکمیل تک منجمد رہیں گے، جاری نوٹفکیشن میں کہا گیا ہے کہ بلدیاتی اداروں کے ترقیاتی فنڈز کے اجراء پر پابندی شفاف الیکشنز کی وجہ سے لگائی گئی۔