کرغزستان اورچین کے سرحدی علاقوں میں زلزلے کےشدید جھٹکے

کرغزستان اورچین کے سرحدی علاقے میں زلزلے کے جھٹکے محسوس کئے گئے ۔  جن کی شدت ریکٹرسکیل پر7.1 ریکارڈ کی گئی ہے ۔

زلزلے کی پیمائش کے چینی مرکز کے مطابق زلزلے کامرکز ووشی کائونٹی کے علاقے میں بائیس کلومیٹرکی گہرائی پرتھا۔

غیر ملکی میڈیا کا اس حوالے سے کہنا ہے کہ زلزلے کے باعث متعدد گھروں کو نقصان پہنچا ہے جبکہ متعدد افراد اس کے نتیجے میں زخمی بھی ہوئے ہیں، جنہیں اسپتالوں میں منتقل کردیا گیا ہے۔

چینی ارتھ کوئیک نیٹ ورک سینٹر کے مطابق زلزلے کے بعد 40 آفٹر شاکس بھی ریکارڈ کیے گئے ہیں۔

ریسکیو حکام کے مطابق زخمیوں کی مرہم پٹی کی جارہی ہے اوران کو بہترین طبی امداد دی جارہی ہے ۔