پنجاب میں دفعہ 144 کا نفاذ،نوٹیفکیشن جاری

نوٹیفکیشن کے مطابق الیکشن کمیشن کی جانب  سے جاری کوڈ آف کنڈکٹ کی خلاف ورزی بھی دفعہ 144 کے زمرے میں آتی ہے ، خلاف ورزی کرنے والوں کے خلاف کارروائی عمل میں لائی جائے گی۔

حکومت پنجاب کے جانب سے دفعہ 144 کا نفاذ 12 فروری تک کیا گیا ہے۔

محکمہ داخلہ کے مطابق ’آٹھ فروری کو جنرل الیکشن میں سکیورٹی خطرات کی اطلاعات ہیں، دہشت گردی کے علاوہ امیدواروں میں لڑائی جھگڑے کے بھی  امکانات ہیں۔ 

محکمہ داخلہ کے نوٹیفکیشن کے مطابق پنجاب میں اسلحہ کی نمائش پر پابندی عائد کی گئی ہے ۔ 

صوبائی محکمہ داخلہ کی جانب سے مزید کہا گیا کہ الیکشن کے دوران کسی  بھی قسم کی فائرنگ پر پابندی عائد کر دی گئی ہے ۔