سعودی عرب کاہوم ڈلیوری کے شعبے کے لئے نئے ضوابط کا اعلان

ریاض: سعودی ٹرانسپورٹ اتھارٹی نے ہوم ڈلیوری کے شعبے کو منظم کرنے اور اس میں بہتری لانے کے لیے نئے ضوابط کا اعلان کیا ہے۔

العربیہ کے مطابق ٹرانسپورٹ اتھارٹی کے نئے ضوابط مرحلہ وار لاگو ہوں گے۔نئے ضوابط میں کہا گیا ہے کہ فوڈ ڈلیوری اور ہوم ڈلیوری میں کام کرنے والے غیر ملکیوں کو 14 ماہ میں ہلکی ٹرانسپورٹ کمپنیوں سے وابستہ ہونا پڑے گا۔

ضوابط میں ہلکے ٹرانسپورٹ ذرائع میں اشتہارات کے استعمال کا بھی جائزہ لیا گیا ہے تاہم اس کے لیے وزارت بلدیات ودیہی امور کے ساتھ افہام و تفہیم ضروری ہو گی۔نئے ضوابط میں ہوم ڈلیوری کے لیے موٹر سائیکلوں کے استعمال پر بھی غور کیا گیا ہے۔ ہوم ڈلیوری کمپنیوں کو اس بات کا بھی پابند کیا گیا ہے کہ ٹرانسپورٹ اتھارٹی کے ساتھ وابستہ ہو جانے کے بعد خود کار نظام کے تحت ملازمین کے چہروں کی شناخت کی جائے۔

نئے ضوابط میں اس بات کو بھی شامل کیا گیا ہے کہ ہوم ڈلیوری کے شعبے سے وابستہ غیر ملکی کارکنان کو یکساں یونیفارم پہننا چاہیے۔ا

تھارٹی نے کہا ہے کہ نئے ضوابط پر مرحلہ وار عمل کیا جائے تاکہ ہوم ڈلیوری کا شعبہ منظم کیا جا سکے اور اس کا آغاز اس شعبے سے وابستہ سعودیوں سے ہو گا جنہیں سب سے پہلے ٹرانسپورٹ اتھارٹی سے وابستہ ہونا ہو گا۔سعودی ٹرانسپورٹ اتھارٹی نے کہا ہے کہ تمام نئے ضوابط ہوم ڈلیوری کے شعبے کو منظم کرنے اور خدمات کی بہتری کے علاوہ نظم وضبط پیدا کرنے کے لیے ہیں۔