اسرائیلی جارحیت جاری :نیتن یاہو کا غزہ جنگ جاری رکھنے کا اعلان

عالمی عدالت انصاف کی جانب سے فلسطین  غزہ میں جاری نسل کشی روکنے کے حکم کے باوجود اسرائیلی وزیر اعظم نیتن یاہو کی ہٹ دھرمی برقرار‘ غزہ میں جنگ جاری رکھنے کا اعلان کردیا ۔
تفصیلات کے مطابق اسرائیلی وزیراعظم نیتن یاہو نے عالمی عدالت انصاف کے فیصلے پر ردعمل دیتے ہوئے کہا کہ اسرائیل بین الاقوامی قوانین کی پاسداری کرتے ہوئے اپنا اور اپنے شہریوں کا دفاع جاری رکھے گا۔

یاد رہے کہ غزہ میں اسرائیلی دہشت گردی جاری ہے،دیرالبلح میں بمباری سےایک ہی خاندان کے 16 افرادکو شہید کردیا گیا ہے ۔ 
انہوں نے کہا کہ اسرائیلی کو اپنے دفاع کا پورا اختیار حاصل ہے اور ہم یہ حق ہمیشہ کی طرح استعمال کرتے رہیں گے ۔

نیتن یاہو کا مزید کہنا تھا اسرائیل کے خلاف نسل کشی کا الزام جھوٹا اور اشتعال انگیز ہے، ہماری جنگ حماس کے خلاف ہے، فلسطینیوں کیخلاف نہیں ، اسرائیل حماس کے خلاف جنگ جاری رکھے گاَ۔