چند حلقوں میں انتخابات ملتوی کرنے کے سوا کوئی چارہ نہیں ، الیکشن کمیشن

الیکشن کمیشن کے مطابق چند  حلقوں میں بیلٹ پیپرز کی دوبارہ اشاعت بیلٹ پیپرز کی باضابطہ چھپائی مکمل ہونے کے بعد شروع ہو گی۔

الیکشن کمیشن نے  بدھ کے روز اسلام آباد میں اپنے اجلاس میں کہا کہ بیلٹ پیپرز کی دوبارہ اشاعت بیلٹ پیپرز کی باضابطہ چھپائی مکمل ہونے کے بعد ہی کی جائے گی ۔ 

الیکشن کمیشن نے کہا کہ بیلٹ پیپرز کی دوبارہ چھپائی خصوصی سکیورٹی پیپرز کی دستیابی اور پرنٹنگ پریس کی گنجائش پر منحصر ہو گی۔

اجلاس کو بتایا گیا کہ اگر مطلوبہ تعداد میں خصوصی سکیورٹی پیپرز دستیاب نہ ہوئے تو ایسے حلقوں میں انتخابات ملتوی کرنے کے سوا کوئی چارہ نہیں ہو گا ۔