پنجاب میں نمونیہ کی وباء بے قابو، مزید 8 پھول مڑجھا گئے

پنجاب میں نمونیہ کی وباء بے قابو، مزید 8 پھول مڑجھا گئے، گزشتہ 24 گھنٹوں کے دوران نمونیہ کے 792 نئے کیسز رپورٹ ہوئے۔

تفصیلات کے مطابق پنجاب بھر میں سموگ اور خشک سردی سے نمونیہ کیسز میں اضافہ جاری ہے ، گزشتہ چوبیس گھنٹوں کے دوران صوبے میں نمونیہ کے مزید 792 کیس رپورٹ ہوئے جبکہ 8 بچے نمونیہ کی وباء سے دم توڑگئے ۔

صوبائی دارالحکومت لاہور میں نمونیہ سے گزشتہ چوبیس گھنٹوں کے دوران ایک بچہ انتقال کرگیا جبکہ 191 کیسز رپورٹ ہوئے ہیں ۔

پنجاب بھر میں نمونیہ سے جاں بحق بچوں کی تعداد296 تک پہنچ گئی ہے جبکہ 18 ہزار 40 کیسز سامنے آئے، لاہور کے ہسپتالوں میں نمونیہ ،چیسٹ انفیکشن اور وائرل انفیکشن کے سیکڑوں بچے زیر علاج ہیں ۔