بشرہ بی بی نے بہت بہادری سے گرفتاری دی، حامد خان

پاکستان تحریک انصاف  کے سینئر رہنما اور معروف قانون دان  حامد خان نےکہا ہے کہ سابق خاتون اول اور بانی پی ٹی آئی عمران خان کی اہلیہ بشرہ بی بی کے متعلق چلائی جانی والی خبر درست نہیں ہے۔ بشرہ بی بی نے بہت بہادری سے گرفتاری دی اور انہی کے مشورہ پر گرفتاری پیش کی ۔

سینئر وکیل اور پی ٹی آئی رہنما حامد خان کاکہنا ہے کہ بشریٰ بی بی اڈیالہ جانے سے پہلے ہائیکورٹ آئی تھیں،بشریٰ بی بی نے مجھ سے مشورہ کیا تھا کہ اب کیا کرنا چاہئے،میں نے مشورہ دیا تھا آپ خود کو اڈیالہ پیش کریں،بشریٰ بی بی کو کہا تھا کہ باعزت طریقے سے گرفتاری دیں۔ 

بشرہ بی بی کے متعلق چلائی جانی والی خبر درست نہیں ہے۔ بشرہ بی بی نے بہت بہادری سے گرفتاری دی ۔ اُن کو واپس بنی گالہ بیجھنے کا فیصلہ جیل انتظامیہ کا ہے۔
حامد خان
pic.twitter.com/qpwtG82QgV

— PTI (@PTIofficial) February 1, 2024

 حامد خان کا مزید کہناتھا کہ بشریٰ بی بی بنی گالہ جانے کے بجائےاڈیالہ آئیں اور گرفتاری  پیش کی،حکومت نے ہی بنی گالہ کو سب جیل قرار دیا، بشریٰ بی بی کا اس سے کوئی تعلق نہیں۔

ان کاکہناتھا کہ عمران خان نے اپنے پیغام میں کہا ہے کہ عوام 8تاریخ کو پی ٹی آئی امیدواروں کو ووٹ دیں، پی ٹی آئی امیدواروں کو اٹھایا جارہا ہے  8 فروری کو پوری قوم ہر رکاوٹ اور مشکل کے باوجود گھروں سے نکل کر ووٹ کاسٹ کریں آپ نے فیصلہ کرنا ہے کہ غلامی یا حقیقی آزادی تمام تر کیسسز میں سزا کے باوجود عمران خان ہشاش بشاش حوصلے بلند و بالا مزید قوت کے ساتھ قوم کو لیڈ کرنے کیے لئیے تیار ہے۔