برطانیہ میں کورونا کی مختلف ویکسین مکسنگ کے تجربات شروع

تفصیلات کے مطابق   ایک کمپنی کی ویکسین کی پہلی خوراک، دوسری کمپنی کی ویکسین کی دوسری خوراک دی جائے گی،۔ برطانوی ڈپٹی چیف میڈیکل آفیسر کا کہنا ہے کہ  دو مختلف ویکسین ملا کر استعمال کرنے سے مدافعتی نظام بہتر ہو سکتا ہے ، برطانیہ میں اب تک دس ملین سے زیادہ شہری ویکسین کی پہلی خوراک استعمال کر چکے ہیں۔

برطانوی محکمہ صحت کا کہنا ہے کہ تیرہ ماہ پر مشتمل ٹرائل میں آسٹرازینیکا اور فائزر کی ویکسین ملا کر استعمال کرائی جائے گی، دونوں ویکسینز کا استعمال مختلف دورانیے کے ساتھ کرایا جائے گا۔

 ویکسین مکسنگ تجربات کے لیے رضاکاروں کی بھرتی کا عمل شروع، ابتدائی نتائج موسم گرما میں آئیں گے،  ویکسین کی دو خوراکوں کے درمیان وقفہ چار ہفتے یا 12 ہفتے ہونا چاہئے، اس کے بھی تجربات ہوں گے۔ویکسین مکسنگ کے تجربات میں 800 رضاکار شریک ہوں گے اور تجربات اس ماہ کے وسط میں شروع ہوں گے۔ ویکسین مکسنگ کا تجربہ کامیاب ہونے کی صورت میں سپلائی کی مشکلات بھی کم ہوں گی،  برطانیہ میں اب تک کی پالیسی ویکسین مکسنگ کی اجازت نہیں دیتی ہے۔