دانیال عزیز کی اہلیہ کو ریٹرننگ آفیسر کے دفتر سے حراست میں لے لیا

سابق رکن قومی اسمبلی (ایم این اے) مہناز اکبر عزیز، سینئر سیاسی رہنما، الیکشن 2024 کے آزاد امیدوار دانیال عزیز کی اہلیہ کو مبینہ طور پر حراست میں لے لیا گیا ہے۔

پولیس حکام کے مطابق مہناز اکبر عزیز اور ان کے بیٹے میکال عزیز کو ظفروال میں ریٹرننگ آفیسر (آر او) کے دفتر سے حراست میں لیا گیا ہے۔

اس سے قبل مہناز اکبر عزیز نے دعویٰ کیا تھا کہ دانیال عزیز واضح مارجن سے جیتے ہیں، این اے 75 کے 75 پولنگ اسٹیشنز کے نتائج دستیاب نہیں ہیں۔

دانیال عزیز کی اہلیہ کا کہنا تھا کہ آر او کہتے ہیں کہ عملہ سامان لے کر نہیں پہنچا، ہم نتائج کیسے دیں گے۔ آر او کا کہنا ہے کہ 75 پولنگ اسٹیشنز کے نتائج ابھی تک نہیں آئے۔

واضح رہے کہ گزشتہ روز شکر گڑھ پولیس نے این اے 75 سے آزاد امیدوار دانیال عزیز کو گرفتار کرکے نامعلوم مقام پر منتقل کردیا تھا۔

دانیال عزیز کو پولیس چوکی پر روک کر زبردستی گاڑی میں بٹھا کر تشدد کا نشانہ بنایا گیا۔