ادویات کی دستیابی کیلئے ایپلی کیشن کا اجراء کر دیا گیا

قومی صحت کے نگران وفاقی وزیر ڈاکٹر ندیم جان نے کہا ہے کہ ادویات کی دستیابی یقینی بنانے کیلئے ادویات کی ایپلی کیشن جاری کر دی گئی ہے۔

آج کراچی میں کراچی ڈرگ لیبارٹری کے دورے پر انہوں نے کہا کہ مختصر وقت میں بڑے پیمانے پر اصلاحات کا سنگ بنیاد رکھ دیا گیا ہے۔

ڈاکٹر ندیم جان نے کہا کہ نگران حکومت نے ادویات کی لاگت عام آدمی کی پہنچ میں لانے کیلئے مختلف اقدامات کیے ہیں۔

وفاقی وزیر  صحت  نے کہاکہ ڈرگ ریگولیٹری اتھارٹی کوعوام دوست بنانے کیلئے ٹھوس اقدامات کیے گئے ہیں۔