دھاندلی زدہ الیکشن سےمعیشت بیٹھ جائےگی ملک کو شدید نقصان ہو گا ، عمران خان

بانی چیئرمین پی ٹی آئی  نے کہا ہے کہ کورکمانڈرزکانفرنس کے اعلامیے کی مکمل تائید کرتا ہوں جبکہ دھاندلی زدہ الیکشن سےمعیشت بیٹھ جائےگی اور نقصان ہوگا۔

اڈیالہ جیل میں صحافیوں سےگفتگو  کرتے ہوئےبانی چیئرمین پی ٹی آئی  نے کہا کہ پی ٹی آئی کو مخصوص نشستیں نہ دےکر جمہوریت کی نفی کی گئی،جن کی مخصوص نشستیں نہیں بنتی تھی ان کوکیسےدی جا سکتی ہیںپی ٹی آئی کومخصوص نشستیں نہ دینا غیر آئینی عمل ہے۔

 بانی پی ٹی آئی  نے کہا کہ ملک کی تاریخ کا سب سے زیادہ دھاندلی زدہ الیکشن ہوا ہے،سیاسی استحکام کے بغیر ملک نہیں چل سکتا، دھاندلی زدہ الیکشن سےمعیشت بیٹھ جائےگی اور نقصان ہوگا ،اتوارکو دھاندلی کیخلاف پشاورمیں بڑا جلسہ کریں گے۔