بشام میں چینی باشندوں پردہشتگرد حملے کے ذمہ داران سے آہنی ہاتھو ں سے نمٹیں گے ،وزیر داخلہ

وفاقی وزیرداخلہ محسن نقوی نے کہا ہے کہ حکومت بشام میں چینی باشندوں پردہشتگردحملے میں ملوث عناصر کے ساتھ آہنی ہاتھوں سے نمٹے گی۔

محسن نقوی نے کہاکہ دشمن نے حملے میں پاکستان کے انتہائی بااعتماددوست کے باشندوں کو نشانہ بنایا،ایک بیان میں وزیرداخلہ نے واقعہ پردلی دکھ اورافسوس کا اظہار کیا اورچینی باشندوں سے تعزیت کی۔

انہوں نے مزید کہا کہ اس قسم کے حملوں سے دونوں ملکوں کے درمیان گہرے قریبی تعلقات متاثرنہیں ہوں گے۔

وفاقی وزیرداخلہ محسن نقوی  نے اس عزم کااعادہ کیاکہ دشمن کواس حملے کابھرپورجواب دیاجائے گا ۔انہوں نے واقعہ کی جامع تحقیقات کی یقین دہانی کرائی۔