آئی جی اسلام آباد ڈاکٹر اکبر ناصر خان کو عہدے سے ہٹا دیا گیا

اسلام آباد : آئی جی اسلام آباد ڈاکٹر اکبر ناصر خان کو ان کے عہدے سے ہٹا دیا گیا۔

ڈاکٹر اکبر ناصر خان کی جگہ پولیس سروس گریڈ 20 کے سید علی ناصر رضوی کو آئی جی اسلام آباد تعینات کر دیا گیا ہے۔
تفصیلات کے مطابق آئی جی اسلام آباد ڈاکٹر اکبر ناصر خان کو ان کے عہدے سے ہٹا کر اسٹیبلشمنٹ ڈویژن رپورٹ کر نے کی ہدایت کی گئی ہے۔

ایڈمنسٹریٹو سروس گریڈ 22 کے کیپٹن ریٹائرڈ خرم آغا کو سیکرٹری داخلہ تعینات کر دیا گیا ہے، کیپٹن ریٹائرڈ خرم آغا اس سے قبل سیکرٹری کامرس تعینات تھے۔

ایڈمنسٹریٹو سروس گریڈ 21 کے خوشحال خان کو ایڈیشنل سیکرٹری پاور ڈویژن تعینات کر دیا گیا ہے ۔ 

یاد رہے کہ خوشحال خان اس سے قبل ایڈیشنل سیکرٹری وزارت داخلہ تعینات تھے۔