علاقائی
طوفانی بارشوں کا امکان، وزیراعلیٰ پنجاب کا حفاظتی اور ضروری اقدامات کا حکم
مریم نواز نے نکاسی آب کیلئے کمشنرز، ڈپٹی کمشنرز اور ایم ڈی واسا کو متحرک رہنے کی ہدایت کی
وزیراعلیٰ پنجاب مریم نواز نے طوفانی بارشوں کےامکان پرحفاظتی اورضروری انتظامی اقدامات کا حکم دیا ہے۔
وزیراعلیٰ پنجاب مریم نواز نےکہا کہ نکاسی آب کے لئےتمام وسائل بروئے کار لائےجائیں۔ نکاسی آب کیلئے کمشنرز، ڈپٹی کمشنرز اور ایم ڈی واسا کو متحرک رہنے کی ہدایت کی ہے۔
مریم نواز نے کہا کہ لاہوراوردیگر شہروں میں ٹریفک رواں دواں رکھنےکیلئے تمام ضروری اقدامات کئےجائیں، شہریوں کی مدد کیلئے ٹریفک وارڈن فیلڈ میں فعال انداز میں فرائض سر انجام دیں۔
انہوں کاکہنا تھاکہ نشیبی علاقوں سےعوام کی بروقت محفوظ مقامات پرمنتقلی یقینی بنائی جائے اور عوام کو صورتحال سے پیشگی خبردارکیا جائے۔
پاکستان
اسرائیل فلسطین میں بچوں، عورتوں سمیت نہتے شہریوں کو نشانہ بنا رہا ہے، ترجمان دفتر خارجہ
پاکستان رفح کراسنگ پر حملے اور محاصرے کی مذمت کرتا ہے، ممتاز زہرہ بلوچ
پاکستان نے غزہ میں جاری اسرائیلی جارحیت کی شدید الفاظ میں مذمت کرتے ہوئے کہا ہے مقبوضہ فلسطینی علاقے میں بچوں اور عورتوں سمیت نہتے شہریوں کو نشانہ بنایا جارہا ہے۔
دفتر خارجہ کی ترجمان ممتاز زہرہ بلوچ نے پریس بریفنگ میں رفح کراسنگ پر حملے اور محاصرے کی مذمت کرتے ہوئے کہا کہ اسرائیل کو بین الاقوامی انسانی قانون کی پاسداری کرنی چاہیے۔ اسرائیل نے اپنی تازہ کارروائیوں سے ثابت کیا ہے کہ وہ بین الاقوامی انسانی حقوق کے قوانین کی خلاف ورزی اور غزہ میں نسل کشی کا مرتکب ہورہا ہے۔
انہوں نے فوری جنگ بندی، غزہ کا محاصرہ ختم کرنے اور غزہ کے محصور لوگوں کے لیے بلا روک ٹوک انسانی امداد تک رسائی دینے پر زور دیا۔ ترجمان دفتر خارجہ نے کہا کہ کئی ماہ سے فلسطینیوں پر اسرائیلی جارحیت جارہی ہے، فلسطینیوں پر ظلم و ستم ختم ہونا چاہیے اور بین الاقوامی اداروںکو فلسطینیوں پر جاری بربریت کےخلاف کارروائی کرنی چاہیے۔
ترجمان نے کہا کہ پاکستان نے عالمی سطح اور فورمز پر غزہ میں جاری مظالم اور غزہ میں بچوں اور خواتین پر مظالم کی مذمت کی ہے۔ انہوں نے پاکستان کے اس اصولی موقف کا ایک بار بھر اعادہ کیا کہ وہ اقوام متحدہ کی سلامتی کونسل کی قراردادوں کے مطابق تنازعہ جموں و کشمیر کے منصفانہ اور پرامن حل کے لیے اپنے کشمیریوں کی سیاسی، سفارتی اور اخلاقی حمایت جاری رکھے گا۔
انہوں نے کہا کہ کشمیر ایک عالمی مسئلہ ہے جسے اقوام متحدہ کی سلامتی کونسل کی قراردادوں کے مطابق حل ہونا چاہئے۔ ترجمان نے گھیمبیا میں اسلامی تعاون تنظیم کے سربراہ اجلاس کے اعلامیہ میں جموں و کشمیر کے تنازعہ کے متعلق او آئی سی کے موقف کو سراہتے ہوئے کہا کہ اجلاس نے کشمیریوں کے حق خود ارادیت کی بھرپور حمایت کی۔
تفریح
فلم ”سکندر“ میں سلمان خان کی ساتھی اداکارہ کا اعلان
سلمان خان کے مدمقابل اداکاری کے لیے رشمیکا مندانا کو کاسٹ کیا گیا
فلم ”سکندر“ میں سلمان خان کی ہیروئین ساوتھ انڈین ادا کارہ رشمیکا مندانا ہوں گی۔
اس حوالے سے فلم ”سکندر“ کے پروڈکشن ہاؤس نے اپنے آفیشل انسٹاگرام ہینڈل پر پوسٹ شیئر کی جس میں باضابطہ طور پر اس خبر کا اعلان کیا گیا۔
پوسٹ میں سلمان خان اور رشمیکا مندانا کی تصاویر شیئر کرتے ہوئے پروڈکشن ہاؤس نے کہا کہ ہم فلم ’سکندر‘ میں سلمان خان کے مدمقابل اداکاری کے لیے رشمیکا مندانا کا خیرمقدم کرتے ہیں۔
View this post on Instagram
دوسری جانب رشمیکا مندانا نے سلمان خان اور اے آر مروگاداس کی فلم ”سکندر“ میں شمولیت کی تصدیق کر دی
رشمیکا مندانا نے تصدیق کی ہے کہ وہ سلمان خان کے ساتھ نئی آنے والی فلم“سکندر“ میں کام کریں گی، جس کی ہدایتکاری اے آر مروگاداس کریں گے۔
رشمیکا مندانا نے بالی ووڈ سپر اسٹار سلمان خان کے ساتھ فلم سکندر میں کام کرنے کا باضابطہ اعلان کیا ہے۔
فلم اگلے سال عیدالفطر پر ریلیز ہو گی۔
پاکستان
9 مئی میں ملوث افراد کا احتساب ہونا چاہئے، خواجہ آصف
2013 میں جو سازش تیار ہوئی اس کا ہدف نواز شریف تھے،تحریک انصاف کی حکومت نے ملک کو بحرانوں کا شکار کیا، میڈیا سے گفتگو
وفاقی وزیر دفاع خواجہ آصف نے کہا کہ 9 مئی کے واقعہ میں ملوث افرادکا احتساب ہونا چاہئے،انہوں نے کہا کہ 9 مئی کا واقعہ قوم کو پتہ چلنا چاہئے کہ اس کے سپانسرز کون تھے اور کیا مقاصد تھے۔
وفاقی وزیر اطلاعات عطاء اللہ تارڑ کے ہمراہ وفاقی وزیر دفاع خواجہ آصف نے پریس کانفرنس کرتے ہوئے کہا کہ ابیسلوٹلی ناٹ کہنے والے اب امریکی سفیر سے مل رہے ہیں۔9 مئی کے تانے بانے 2013 سے شروع ہو ئے تھے۔
خواجہ آصف نے پی ٹی آئی پر تنقید کرتے ہوئے کہا کہ ان کا ہدف تھا کہ نیا آرمی چیف ان کی مرضی سے لگے۔2013 میں جو سازش تیار ہوئی اس کا ہدف نواز شریف تھے۔تحریک انصاف کی حکومت نے ملک کو بحرانوں کا شکار کیا۔
انہوں نے میڈیا سے گفتگو کرتے ہوئے کہا کہ 9 مئی کے واقعے کی منصوبہ بندی کی گئی اور اس ادارے کی تکریم پر سمجھوتہ کرنے کی کوشش کی گئی، ڈی جی آئی ایس پی آر نے ٹھیک کہا تھا کہ اس کی تحقیقات 2014 تک جانی چاہیے، کیپٹن کرنل شیر خان کا تو کسی سے جھگڑا نہیں لیکن ان کے مجسمے پر ڈنڈے برسانے والے کون لوگ تھے؟۔
وزیر دفاع نے کہا کہ 9مئی کا دن ملک کی تاریخ کا سیاہ ترین دن ہے۔ اس دن شہداءکے مجسموں کی بے حرمتی کی گئی اور یادگار شہدا کو نذر آتش کیا گیا ۔
خواجہ آصف نے کہا کہ دہشتگردی کے خلاف افواج پاکستان اور ادارے لڑ رہے ہیں۔ شہدا نے اس ملک کے دفاع کیلئے قربانیاں دیں۔
-
پاکستان ایک دن پہلے
ترجیحی ترقیاتی پراجیکٹس میں تاخیر برادشت نہیں کروں گی ، مریم نواز
-
تجارت ایک دن پہلے
چکن کی قیمتوں میں کمی واقع
-
کھیل 2 دن پہلے
ورلڈ کپ 2024 کیلئے قومی ٹیم کی نئی کٹ کی رونمائی
-
تجارت ایک دن پہلے
وزیر اعظم کی پاکستان کی آٹوموبائل انڈسٹری میں جا پانی کمپنیوں کو سرمایہ کاری کی دعوت
-
پاکستان ایک دن پہلے
عدالت کا بشریٰ بی بی کو بنی گالا سب جیل سے اڈیالہ جیل منتقل کرنے کا حکم
-
پاکستان ایک دن پہلے
گندم کا معاملہ صوبوں یا کسی اور پر نہیں ڈالا، انوار الحق کاکڑ
-
تجارت ایک دن پہلے
ڈالر کی قدر میں کمی ، پاکستانی روپیہ مستحکم
-
تجارت 2 دن پہلے
سونے کی قیمتوں میں مزید کمی