متنازع ٹویٹ،بیرسٹر گوہر اور رؤف حسن نے ایف آئی اے میں بیان ریکارڈ کرادیا

بانی پی ٹی آئی عمران خان کے ذاتی ’ایکس‘ اکاؤنٹ سے متنازع ٹوئٹ کے معاملے پر ایف آئی اے کی انکوائری میں چیئرمین پی ٹی آئی بیرسٹر گوہر خان اور سیکریٹری اطلاعات رؤف حسن پیش ہوئے اور اپنا بیان ریکارڈ کرادیا۔

اسی معاملے پر ایف آئی اے نے تحریک انصاف کے رہنماؤں کو آج طلب رکھا تھا۔ بیرسٹرگوہر اور رؤف حسن ایف آئی اے آفس میں گزشتہ کئی گھنٹے سے موجود رہے۔ بیرسٹر گوہر اوررؤف حسن اپنا اپنا بیان رکارڈ کروا رہے ہیں۔

آج انکوائری کے لئے ایف آئی اے کے نوٹس پر سائبر کرائم رپورٹنگ دفتر میں پیش ہوئے ان کے سوالات کے جواب دئیے ان کو اپنے موقف سے آگاہ کیا ہے۔ دوبارہ بھی جب بلائیں گے ہم آئیں گے لیکن ہم نے اسے ہائی کورٹ میں چیلنج کردیا ہے ۔ عوام نے جس کو مینڈیٹ دیا وہ اسے ملنا چاہیے کسی کا مینڈیٹ چوری… pic.twitter.com/vaXslQOThx

— PTI (@PTIofficial) June 5, 2024

بعدازاں میڈیا سے بات کرتے ہوئے بیرسٹر گوہر نے کہا کہ آیف آئی اے نے دوبارہ بلایا توبھی آئیں گے، بانی پی ٹی آئی سے آج ملاقات کی کوشش کریں گے۔

انہوں نے کہا کہ جس پارٹی نے الیکشن جیتا نشستیں اس کوہی ملنا چائیے، عوام جس کو مینڈیٹ دیں اسی کو ملنا چاہیے اور ہم اپنی مخصوص نشستیں بھی اسی تناظر میں مانگ رہے ہیں۔حمود الرحمان رپورٹ 2011 میں ڈی کلاسیفائیڈ ہو چکی ہے اور اس کا ڈی کلاسیفائیڈ ورژن عدالتوں میں بھی موجود ہے، کل بانی پی ٹی آئی ویڈیو لنگ سے ذریعے عدالت میں پیش ہوں گے۔ 

یاد رہے کہ ایف آئی اے نے عمران خان کے ایکس اکاؤنٹ سے شیخ مجیب الرحمٰن کی ویڈیو شیئر کرنے کے معاملے کی تحقیقات شروع کردی تھی کہ جیل میں قید بانی پی ٹی آئی کے ایکس اکاؤنٹ سے ویڈیو کس نے، کیوں اور کیسے شیئر کی جب کہ سابق وزیر اعظم نے معاملے پر ایف آئی اے ٹیم سے ملنے سے انکار کردیا تھا۔

واضح رہے کہ یکم جون کو پاکستان تحریک انصاف کے بانی و سابق وزیر اعظم عمران خان کے ایکس اکاؤنٹ سے متنازع ویڈیو اپلوڈ کرنے کے معاملے پر وفاقی تحقیقاتی ادارے (ایف آئی اے) نے پی ٹی آئی کے مزید 3 رہنماؤں کو نوٹس جاری کردیے تھے۔

بعدازاں پی ٹی آئی کی قیادت نے متنازع ٹویٹ کے معاملے پر شکایت اور وفاقی تحقیقاتی ادارے (ایف آئی اے) کی جانب سے ان کی طلبی کا نوٹس اسلام آباد ہائیکورٹ میں چیلنج کردیا تھا۔