نائب وزیر اعظم کی بیجنگ میں چوتھے پاکستان چین فرینڈشپ اور بزنس ایونٹ میں شرکت

نائب وزیراعظم اور وزیرخارجہ اسحاق ڈار نے اس بات کا اعادہ کیا ہے کہ پاکستان ہمیشہ چین کا قابل اعتماد دوست اور شرکت دار رہے گا ۔

انہوں نے  بیجنگ میں چوتھے پاکستان چین فرینڈشپ اور بزنس ایونٹ سے خطاب کرتے ہوئے کہاکہ پاک چین شراکت داری پہلے ہی تزویراتی سطح تک پہنچ چکی ہے جو تجارت ، سماجی اور دفاعی شعبوں کا احاطہ کرتی ہے ۔

انہوں نے کہاکہ پاکستان صد ر شی جن پنگ کے عالمی ترقیاتی پروگرام ، عالمی تہذیب پروگرام اور عالمی سیکورٹی پروگرام کی مکمل حمایت کرتا ہے ۔

چین میں اپنی مصروفیات کا ذکر کرتے ہوئے اسحاق ڈار نے امیدظاہر کی کہ چین اور پاکستان کے تاجروں نے باہمی طورپر فائدہ مند شراکت داری اور مشترکہ تعاون کے نئے سفر کا آغاز کیا ہے۔

انہوں نے کہاکہ آئندہ مہینوں میں ہم اس ماڈل کو مزید آگے بڑھائیں گے اور پاکستان میں چینی کمپنیوں کودعوت دیں گے۔