جی سیون ممالک کا آئندہ سال تک کورونا ویکسین کی 1 ارب خوراکیں عطیہ کرنے کا اعلان

تفصیلات کے مطابق   جی سیون اجلاس کا  آج  آخری روز تھا۔غیر ملکی خبر رساں ادارے کے مطابق  جی سیون ممالک نے آئندہ سال  تک کوروناویکسین کی 1ارب خوراکیں عطیہ کرنے کا اعلان کردیا ہے۔

بورس جانسن  نے کہا کہ  جی سیون ممالک کے رہنماؤں نے غریب ممالک کے لئے ایک ارب کوویڈ ویکسین کی خوراک دینے کا وعدہ کیا ہے جو  "دنیا کوویکسین لگانے کی طرف  ایک بڑا قدم" ہے۔

بورس جانسن  نے جی 7 سربراہی اجلاس کے اختتام پر کہا کہ  ممالک "قوم پرستانہ نقطہ نظر" کو مسترد کر رہے ہیں۔غریب ممالک کو کورونا   ویکسین دینے  سے  جی 7 کی جمہوری اقدار کے فوائد ظاہر ہوں گے۔ انہوں نے کہا کہ جی 7 رہنماؤں نے عظم کا اظہار کیا ہے کہ وہ براہ راست یا عالمی ادارہ صحت کی کوویکس اسکیم کے ذریعہ غریب ممالک کو ویکسین کی فراہمی کریں گے۔

انہوں نے مزید کہا کہ "ہم تیزی سے جارہے ہیں  اور ہم جتنی جلدی ہو سکے ویکسین تیار کر رہے ہیں ، اور جتنی جلدی ہو سکے ان میں تقسیم کر رہے ہیں"۔ اگلے سال کے آخر تک دنیا کو کورونا ویکسین لگانے  کا ہدف پورا کیا جائے گا۔

غیر ملکی خبر رساں ادارے کے مطابق  یونیسیف کی جانب سے اعلان کا خیرمقدم  کیا گیا ہے اور  خوراکیں جلدی عطیہ کرنے پر زور دیا۔بقیہ خوراکیں ایک ہی بار عطیہ کرنے کی بجائے سارا سال کورونا ویکسین کی خوراکوں کی فراہمی کی ضرورت ہے۔