کرکٹر عمید آصف آئرن مین شرٹ وکٹ سیلبریشن کیوں نہیں کر رہے ؟

رپورٹ  : انس سعید

جی این این کو انٹرویو دیتے ہوئے عمید آصف نے بتایا کہ لاہور قلندرز کے خلاف میچ کی پرفارمنس اپنے دادا کے نام کرتا ہوں میرے دادا میرے کرکٹ کھیلنے کے خلاف تھے، وہ چاہتے تھے میں پڑھائی کروں لیکن وہ میری کامیابیوں سے بہت خوش بھی تھے ۔گرمی کی وجہ سے اپنا آئرن مین شرٹ وکٹ سیلبریشن سٹائل نہیں اپنایا اگر کروں گا تو لوگ میمز بنائیں گے کہ دو دو شرٹس پہنی ہوئی ہیں ۔

 کرکٹر عمید آصف نے کہا کہ بیٹنگ بہتر کرنے کے لیے پریکٹس کے دوران انضمام الحق سے مشورہ لیا تھا انضمام الحق نے ٹریننگ کے علاوہ الگ سے بیٹنگ پریکٹس کا کہا جس سے کافی بہتری آئی شعیب ملک اور انضمام الحق بہت سے ٹورنامنٹ جیت چکے ہیں، ایسے کھلاڑیوں سے کامیابی سیکھنے کا پتا چلتا ہے شعیب ملک جیسے کھلاڑی کے ساتھ کھیل کر اعتماد بڑھتا ہے۔

عمید آصف کا کہنا تھا کہ لمبے قد والے باؤلر کو ایکسٹرا باؤنس جبکہ چھوٹے قد والے کو ایل بی ڈبلیوز اور بولڈ ملتے ہیں لمبے قد والے باؤلرز سے بیٹسمین ڈرتے ہیں، ہر چیز کا فائدہ اور نقصان ہوتا ہے پاکستان ٹیم سے کھیلنا میرا خواب ہے جس کے لیے کوشش کرتا رہوں گا کوشش ہوتی ہے گراؤنڈ میں اپنا سو فیصد دوں  اور کارکردگی میں تسلسل رکھوں۔